اسلام آباد۔21مارچ(اے پی پی) د صنعت او پېداوار وفاقي وزير سيد مرتضی محمود وئيلي دي د 5 اربه روپو په وزیراعظم رمضان ریلیف پېکېج عملدرآمد پېل شوے ٬ حكومت په سختو حالاتو كښې هم اولس ته د زيات نه زيات ريليف وركولو هڅې كوي٬ د شخصياتو په ځايې پالېسي جوړولو ته پام ګرځولے شوے۔ د دې خيالاتو څرګندونه ده د نهې په ورځ په يوټېلېټي سټورز د رمضان پېكج په اړه بريفنګ كښې وكړه۔ ده ووئيل په یوټېلېټی اسټورز به د بی آئی ایس پی صارفینو لپاره اوړه په 40 روپۍ كلو موجود وي٬ دغسې په دال چنا به 20 روپۍ ٬ په دال مسور به 20 او په غوړو به 215 روپۍ سبسډي وركولې شي۔ده ووئيل د وفاقي حكومت اولنۍ ترجيح اولس ګرانۍ څخه بچ كول او دوي ته انصاف د دوئي تر درشل رسول دي۔ وزیراعظم شهباز شریف د اولس ستونزوې محسوسولو سره “وزیراعظم رمضان ریلیف پیکیج” اعلان كړے ۔ دې لپاره حكومت د 5 اربه روپو سبسډي وركړې ۔ د سبسډي ترلاسه كولو آسانه جوړولو له دا په دوه برخو كښې وېشلې شوې كومه چې يوه ټارګټډ سبسډي ده او دويمه جنرل سبسډي۔ ټارګټډ سبسډي به يوازې د بے نظیر انکم سپورټ پروګرام(بی آئی ایس پی) رجسټرډ صارفينو لپاره وي۔ د دې صارفينو ته به د 10 كلو اوړو تروړه په 400 روپۍ ٬ چيني په 70 روپۍ كلو او غوړي په 300 روپۍ كلو وركولې شي۔ په جنرل سبسډي كښې به د اوړو د 10 كلو تروړه په 648 ٬ چيني په 91 روپۍ كلو او غوړي كلو په 490 روپۍ وركولې شي۔ وفاقي حكومت به د اولس ستونزې لرې كولو او د هغوي آسانۍ زياتولو له د دې پېكج څارنه كوي۔د شكايت په صورت د یوټېلېټی سټورز کارپوریشن کمپلېنټ سېل په لمبر 05590-0800 تماس نيولے كېدے شي۔
په وزيراعظم رمضان ريليف پېكج عملدرآمد پېل شوے ٬ د حكومت اولنۍ پام لرنه اولس د ګرانۍ څخه ساتل او آسانۍ د هغوي تر درشل رسول دي٬ وفاقي وزير سيد مرتضی محمود
مضمون کا ماخذ : apostas quina
متعلقہ مضامین
