اسلام آباد۔22اپرېل(اے پی پی) وزیراعظم شهباز شریف وئيلي دي چې د موسمياتي بدلون په مضر اثراتو كښې پرله پسې زياتوالې كيږي ، د پلاسټک بې درېغه كارول بشري صحت لپاره لويه خطره جوړېږي٬ پاكستان به د قدرتي وسائلو تحفظ او د موسمياتي بدلون عوامل كمولو سره سره پاك او غوره سباؤن لپاره خپلې هڅې او اقدامات روان ساتي۔ د دې خيالاتو څرګندونه ده د نړيوالې يوم الارض په موقعه خپل پېغام كښې وكړه كومه چې نن د پاكستان په شمول ګرده نړۍ كښې لمانځلې شي۔ ده ووئيل د دې ورځې د لمانځلو مقصد مونږ ته د كره ارض د تحفظ ذمه واري په ګوته كول او راتلونكو نسلونو لپاره د دې د تحفظ عزم تكرارول دي۔ ده ووئيل د كال 2024 یومِ ارض د Planet vs Plastics په سرخط لمانځلې شي چې مقصد يۍ تر كال 2040 د پلاسټك په كارولو كښې تر 60 فيصده كمې راوستل دي٬ راځۍ چې په ننۍ ورځ مونږ د پلاسټك په ذمه واره توګه د كارولو عزم وكړؤ٬ د پلاسټك بې درېغه كارول زمونږ ولو ٬ نهرونو ٬ سيندونو او سمندرونو لپاره زياته ضرري دے ٬ دا زمونږ په خوراك كښې شاملېدو سره بشري صحت لپاره هم لويه خطره جوړېږي۔ ده ووئيل حكومت د پلاسټك په ذمه واره توګه د كارولو حوالې سره فعاله ګامونه پورته كوي۔ په دې لړ كښې يۍ اړوندو وزارتونو ٬ صوبائي ماحولياتي ادارو ٬ اسلام آباد انتظاميې ٬ صنعتونو او نورو سټېك هولډرز سره تفصيلي مشاورت او مرسته كولو سره انسداد سنګل یوز پلاسټک ریګولیشنز 2023 جوړ كړې او په ټولو وفاقي وزارتونو كښې يۍ د پولی ایتھائیلین ټیریفتھیلیټ (PET) بوتلونو په كارولو بندېز لګولے۔ ده ټولو پاكستاني وګړو ته اپيل وكړو چې هغوي په دې مشن كښې د حكومت مرسته وكړي۔ ده ووئيل د پاكستاني كېدو په حېث مونږ خوش قسمته يؤ چې مونږ ښكلې غرئيزې لړۍ ٬ ګڼ ځنګلونه ٬ ولې او اوږد ساحلونه لرؤ۔ زمونږ ذمه واري ده چې دې قدرتي وسائلو تحفظ وكړؤ۔ ده ووئيل پاكستان به د قدرتي وسائلو تحفظ او د موسمياتي بدلون عوامل كمولو سره سره پاك او غوره سباؤن لپاره خپلې هڅې او اقدامات روان ساتي۔
د موسمياتي بدلون په مضر اثراتو كښې پرله پسې زياتوالې كيږي٬ د وزيراعظم شهباز شريف د يوم الارض په موقعه پېغام
مضمون کا ماخذ : مصر کی میراث
متعلقہ مضامین
