کراچۍ 08 دسمبر (اے پي پي) نګران وزیراعظم انوار الحق کاکړ وئيلي دي اولس له د صحت معیاري خذمات وركول د حکومت آئینی ذمه واري ده،بايد تحقیق ته وده وركولو ته هر حکومت پام لرنه وكړي، سباؤن كښې د پرمختګ انحصار د ټیکنالوجی په كارولو دے۔د دې خيالاتو څرګندونه ده د جمعې په ورځ هیلتھ ټیك کنفرنس ته وينا كښې وكړه۔نګران وزیراعظم ووئيل معیاري او د صحت ښه خذمات ته رسنه باوري كول د حكومت ذمه واري ده۔مونږ وګړو له د صحت معياري او يو برابر آسانيو وركولو له چمتو يو،په دې اړه د شتمندو او نجی څانګې کردار ستايو۔ آغا خان پوهنتون د تعلیم ، تحقیق او د صحت آسانيو وركولو كښې مهم كردار ترسره كوي او اوس د آرټس او سائنس په څانګه كښې هم پوهنتون ډير كار كړے۔ ده ووئېل آغاخان پوهنتون د پاکستان لپاره يوه قامي اثاثه ده، تحقیق او د نورو څانګو په وجه د آغا خان پوهنتون شميره د نړۍ په ښو پوهنتونونو كښې كېږي او دې څخه د دې خبرې عکاسی كېږي چې پاکستان په نړيواله كچه اعلیٰ معیار او د علم ودې لپاره چمتو دے۔ده ووئيل د ضرورت په وخت آغا خان پوهنتون خپلې ذمه وارۍ په ښه ډول ترسره كړې دي۔د کورونا په مهال ئې رنچورانو له ښې طبي اسانۍ وركړي او د كوويډ رنځورانو خيال ساتلو لپاره ئې ګڼ شمير ډاكټرانو او نرسز تربیه كړي ۔ وزيراعظم ووئېل د سېلاب په مهال هم آغا خان پوهنتون ځپليو سيمو كښې ګڼ شمير هیلتھ کلینکس جوړ كړي د كومو د لارې چې ګڼو كسانو له د درملنې آسانۍ وركړې شوي۔ ده ووئېل آغا خان پوهنتون د تعلیم په ميدان كښې مهم كردار ترسره كوي۔ آغا خان پوهنتون د پرنس آغاخان وژن او فهم و فراصت څرګندونه ده۔ وزیراعظم ووئيل د صحت په څانګه كښې ډیجیټلائزیشن يوه ښه ذریعه ده، جدید ټیکنالوجي څخه د رنځورانو په اړه وړاندې څخه معلومات ترلاسه كيدے شي، ټیکنالوجي د صحت پشمول ټولو څانګو كښې مهم كردار ترسره كوي۔وزیراعظم ووئيل د رنځونو مخنيوي او د تشخیص لپاره د جدید ټیکنالوجي استعمال ته وده وركولو له چمتو يو،د ټیکنالوجي د لارې ټولو وګړو له د درملنې آسانيو وركولو خوب له به تعبير وركولے شي، ده ووئېل په دې كښې څه شك نشته چې سباؤن كښې د پرمختګ انحصار په ټیکنالوجی دے،دا يواځې د صحت تر څانګې نه بلكه به ټولو څانګو كښې مخ په وړاندې تګ له د ټیکنالوجي کارولو ته اړتيا ده۔ده ووئيل ما غوښتل چې يو استاذ جوړ شوے ووم خو داسې ونه شول۔
اولس له د صحت معیاري خذمات وركول د حکومت آئینی ذمه واري ده،بايد تحقیق ته وده وركولو ته هر حکومت پام لرنه وكړي۔ وزیراعظم انوار الحق
مضمون کا ماخذ : شمال کے ڈریگن
متعلقہ مضامین
