اسلام آباد 31 مئي (اے پي پي) پاکستان يو ځل بيا د دې خبر پخلې كړې دې چې پاكستان به د ملګرو ملتونو د سلامتي كونسل د قراردادونو له مخې د كشمير كشالې سپېځلې او سوله ايز حل لپاره د كشميريانو سياسي، سفارتي او اخلاقي ملاتړ روان ساتي۔ د خارجه دفتر وياندې ممتاز زهره بلوچ د جمعې په ورځ په پرېس بريفنګ كښې ووئيل د هند په غېر قانوني توګه قبضه كړې شويو كشمير كښې اختلاف رائے د پښو لاندې كولو لپاره د هندي چارواكو كمپائن پرله پسې جاري دے۔ دې ووئيل د جائيدادونو ضبط كول د دې كمپائن ناوړه برخه ده۔ وياندې ووئيل چې د روانې اوونۍ په پېل كښې په شوپيا ضلع كښې د دوه نورو كشميريانو زمكې او د يو دكان پشمول جائېدادونه سيل كړې شوي دي۔ وياندې ووئيل چې هندي چارواكو تر اوسه كشميري كاركنانو ته سزا وركولو لپاره په سيمه كښې د سلګونو په شمېر املاك ضبط كړې دي او په سرينګر كښې د كل جماعتي حريت كنفرنس هيډکوارټر هم سيل كړې شوې۔ وياندې ووئيل هند دې سياسي كاركنان فشار سره مخ كول ٬ د كشميريانو ويرول او دوئي ته د دړكو وركولو كمپائن بند كړي۔ وياندې ووئيل په جمو و كشمير كښې دې اولس ته په آزادانه توګه د خپلواكۍ حق موقع وركړې شي كوم چې د ملګرو ملتونو د سلامتي كونسل په اړوندو قراردادونو كښې درج دے۔
هند دې د سياسي كاركنانو فشار سره مخ كولو ٬ د كشميريانو ويرولو او د دوي د جائيدادونو ضبط كولو كمپائن بند كړي۔ د خارجه دفتر ويانده
مضمون کا ماخذ : میگا فارچیون
متعلقہ مضامین
