بیجنګ۔2نومبر(اے پی پی) د وزيراعظم شهباز شريف په بلنه د چين مشهورو كمپنو په پاكستان كښې په ګډو پروژو په خاص توګه د سولر انرجۍ او انفراسټركچر په پروژو كښې سرمايه كارۍ كولو كښې خپله ژوره خوښي څرګندولو سره په كراچۍ كښې د څښلو اوبو رسولو په شمول په نورو سترو منصوبو كښې د سرمايه كارۍ كولو باور وركړے دے۔ د شورؤ په ورځ وزيراعظم شهباز شريف سره د چين د مشهورو كمپنو استازو ملاقات وكړو۔ د وزيراعظم د دفتر د ميډيا څانګې لخوا جاري شوي بيان له مخې چينايي كمپنو په پاكستان كښې سرمايه كارۍ او ګډو منصوبو كښې خوښي ښكاره كړه۔ وزيراعظم چينايي كمپنو ته د 10,000 ميګاواټه سولر انرجۍ په منصوبه كښې د كار كولو پېشكش وكړو۔ وزيراعظم د ګوادر ائيرپورټ د كار په ګړندي كولو او د روان كال تر پايې د بشپړولو په حاجت زور راوړو۔ اړوندې چينايي كمپنۍ د راتلونكې كال په پيل كښې د ګوادر هوايي ډګر جوړولو كار بشپړولو باور وركړو۔ د چين سرمايه كارانو او د كمپنيو نمائندګانو ته په خپل خطاب كښې وزيراعظم ووئيل د دې نه خبر يم چې په تېرو وختونو كښې زياتې ستونزې رامخې ته شوې كومو لپاره چې زه بخښنه غواړم۔ده ووئيل د روان كال اپرېل مياشتې په 11 مه نېټه اقتدار سنبالولو سره مې سمدستي د چين كمپنيو ته پېښی مسئلې حل كړې۔ چينائي كمپنيو ته واجب الادا 160 اربه روپۍ وركړې شوي دي۔ 50 اربه روپۍ تېره ورځ ادا كړې شوې او د 50 اربه روپو ريوالنګ فنډ جوړ كړے شوے دے۔ ده ووئيل د خزانې وفاقي وزير اسحاق ډار په هدايت سټېټ بېنك ريوالونګ اكاؤنټ جوړ كړے دے۔ د ادائيګو سره به نورې 50 اربه روپۍ په دې كښې شامل كړې شي۔ وزیراعظم باور وركړو چې په ديامر بھاشا ډېم منصوبه كښې به د زمكې د ترلاسه كولو مسئلې حل كړې شي۔ وزیراعظم چينائي وګړو سره په رامخې ته شويو پېښو د ژور خفګان او افسوس څرګندونه كولو سره ووئيل په دې پېښو كښې ككړ كسان نيولې شوي او دوئي ته به مثالي سزا وركولې شي۔ وزیراعظم شهباز شریف باور وركړو چې حكومت به د چينائي سرمايه كارو تحفظ له غوره اقدامات وكړي او په سي پېك او نورو منصوبو د كار كوؤنكو چينائي وګړو حفاظت به باوري كولې شي۔ ده ووئيل مونږ ته د چينائي وروڼو خوېندو امنيت د خپلو وروڼو خوېندو په څير عزيز دے۔ وزیراعظم مهمند ډېم سره د اړوندو ځينو مسئلو حل كولو هم باور وركړو۔ ده ووئيل 2 كروړه آبادي لرونكې كراچۍ ښار د اوبو مسئلې سره مخ دے۔ وفاقی حکومت به سندھ حكومت سره په ګډه دا منصوبه مخ په وړاندې بيايي۔ ده چينائي كمپنۍ خبر كړې چې حكومت شمسي توان څخه د 10 زره مېګاواټ برېښنا پېدا كولو بشپړه منصوبه جوړه كړې ده۔ وزيراعظم هوا څخه د برېښںا پېدا كولو په منصوبو كښې چينائي كمپنيو ته د سرمايه كارۍ كولو بلنه وركړه۔ وزيراعظم د پاكستان او چين اړيكو ته وده وركولو له چينائي كمپنيو سره په ګډه كار كولو له د خپل عزم څرګندونه وكړه او پاكستان كښی كار كولو كښې په خوښي لرلو يۍ د چينائي كمپنيو مننه وكړه۔ ده ووئيل ما په شپږ مياشتې كښې درې وارې د ګوادر بندر ځائې دوره كړې ده۔ ده په اېم اېل ون او نورو منصوبو كښې د خوښۍ په لرلو او پاكستان كښې د سېلاب ځپليو په پراخه مرسته كولو د چينائي حكومت او كمپنيو مننه وكړه
د وزيراعظم په بلنه چينائي كمپنو د پاكستان په سترو منصوبو كښې د سرمايه كارۍ كولو باور وركړو
مضمون کا ماخذ : prêmios dupla sena
متعلقہ مضامین
