اسلام آباد۔20دسمبر (اے پی پی) وزیراعظم محمد شہباز شریف دی انسانی سمگلنگ بارے جاری تحقیقات جلدی توں جلدی پوری کرݨ، سہولت کاراں دی نشاندہی اتے انہاں دے خلاف سخت کاروائی دی ہدایت کیتی اے۔ جمعے کوں وزیراعظم آفس دے پریس ونگ توں جاری بیان موجب وزیراعظم دی صد??رت اچ انسانی سمگلنگ روکݨ بارے اہم اجلاس تھیا۔ وزیراعظم آکھیا جو انسانی سمگلنگ پاکستان کیتے پوری دنیا اچ بدنامی اے۔ انہاں انسانی اسمگلنگ روکݨ کیتے اداریاں کوں آپت اچ رابطے ٻئے بہتر کرݨ دی ہدایت کیتی اتے آکھیا جو 2023 دے ٻیڑی حادثے دے بعد ذمہ واراں دے خلاف کاروائی اچ سستی کیتی ڳئی اے، ذمہ وار افسراں دے خلاف سخت کاروائی تھیسی۔ اجلاس کوں ی??نان کشتی حادثے اتے انسانی سمگلنگ روکݨ بارے بری??نگ ݙتی ڳئی۔ بری??نگ اچ ݙسیا ڳئیا جو یونان حادثے اچ جاں بحق تھیوݨ آلے پںج پاکستانیاں دی سنڄاݨ کر ڳھدی ڳئی اے۔ حادثے بارے معلومات اتے مدد کیتے ایتھنز اچ موجود پاکستانی سف??رت خانے توں ہیلپ لائین +30-6943850188 اتے وز??رت خارجہ دے کرائسز مینجمنٹ یونٹ دے نمبر 0519207887 تے رابطہ کیتا ونڄ سڳدے۔ بری??نگ اچ ݙسیا ڳئیا جو گوجرانوالا، گجرات، سیالکوٹ اتے منڈی بہائوالدین دے ضلعیاں اچ ساریاں توں ودھ انسانی سمگلراں دا شکار تھیندن۔ اجلاس اچ نائب وزیراعظم و وزیر خارجہ اسحاق ڈار ، وفاقی وزیر اقتصادی امور احد خان چیمہ ، وفاقی وزیر اطلاعات تے نشریات عطاء اللہ تارڑ ، وزیراعظم دے کوآرڈینیٹر رانا احسان افضل اتے متعلقہ اعلیٰ سرکاری افسرشریک تھیے۔ یونان اچ تعینات پاکستان دے سفیر اجلاس اچ بذریعہ وڈیو لنک شریک تھیے۔
وزیراعظم محمد شہباز شریف دی انسانی سمگلنگ بارے جاری تحقیقات جلدی توں جلدی پوری کرݨ، سہولت کاراں دی نشاندہی اتے انہاں دے خلاف سخت کاروائی دی ہدایت
مضمون کا ماخذ : لوٹیریا کا نتیجہ
متعلقہ مضامین
